Willemstad— Polis mester a bai na altura di un minimarket riba e kaminda ku ta kondusí pa Banda Bou pa un kaso di ladronisia for di un vèn di entrega.

 Un trahadó ku ta hasi entrega di karga hasiendo uso di un vèn a yega stashoná na altura di Salu minimarket na Gato pa asina por a bai hasi su entrega. Na momento ku e tabata den e negoshi, deskonosínan a logra di habri e vèn i a kue saku konteniendo plaka ku tabata warda den dash-board di e vehíkulo. Ora ku e trahadó a deskubrí esaki e la yama polis pa asina por a entrega un denunsia i tambe pa hasi mas investigashon pa wak ken ta esun ku a bai ku e plaka.