Back to Top
Responsive image
E korant di pueblo

MFK/PNP ta bai buska 2.5 bion pa invertí den Kòrsou


May 12, 2021 • 2 minüt pa lesa

Backup: Cooper a konfirmá ku Kòrsou tin un “back up” plan den kaso Hulanda pone preshon pa no sigui duna Fondo di Sosten.

Punda—Miembro di parlamento instalá i prospekto minister di VVRP pa siguiente kabinete Charles Cooper a deklará na Vigilante ku COHO no ta opshon i nan lo skohe pa e ruta di IMF. Segun Cooper, IMF ta e mihó eskoho pasobra entre otro bo ta haña 3 ulandes ta kana kontrolá rònt.

Manera ya menshoná, MFK i PNP a emití un karta i manda esaki pa tur parlamento den Reino. Tantu den e karta i tambe den nan Akuerdo di Gobernashon e dos frakshonnan den gobièrnu a konfirmá di no ke traha ku COHO i lo skohe e ruta di IMF. Segun Cooper ayera, IMGF tin diferente benefisio kompará ku COHO miéntras nan vigilansha monetario no ta asina rígido manera a konosé nan den pasado. E pronto titular di obranan públiko a afirmá alabes  ku ya Kòrsou ta komprometé ku e Pakete di Pais i lo vigilá esaki tambe.

Pa lokual ta trata e programa di NOW, Cooper a duna di konosé nan tin un “back-up plan” den kaso si Hulanda pone preshon. Na yüni próksimo e finansiamentu di e dos tranche pa 2021 ta finalisá i no tin akuerdo ainda ku Hulanda. Ekonomia mester di e programa di NOW pa por sigui supsidiá kompanianan den problema pero Hulanda ainda no a duna nan kondishon òf aló ménos no ta konfirmá si un di tres tranche pa Kòrsou lo yega durante 2021.  Cooper ayera durante un entrevista ku Vigilante a afirmá  ku “nos tin un back up plan” i lo revelá esaki segun e dianan transkurí. E miembro di MFK a bisa ku nan frakshon no ta bai aseptá niun menasa ni wega tampoko fo’i Hulanda si akaso kuminsá pone preshon pa sèn.

Login