E kas na Skalo ku e tipo a trata di sende na kandela.
Willemstad— Polis ta investigando un kaso di intento di insendio ku a tuma lugá riba un kas den e bario di Skalo.
Polis i tambe e Tim Forensiko a keda dirigí pa un kas den e bario di Skalo despues ku e habitante a tuma nota ku e tira un molotov sende riba su kas. Polis ku a bai den Zwaen a bin topa ku e dama habitante kual a splika ku un tipo konosí pe ya na dos okashon a trata di sende su kas na kandela. Ya un dia promé e tipo a basha algu flamabel riba su kas i a sende un tapeit na kandela pero akshon rápido a logra di dominá e kandela. Ayera un biaha mas e tipo a presentá ku un bòter yen ku un líkido flamabel ku un mecha sende na esaki i a tir’é riba e kas. Un biaha mas akshon rápido a evitá ku e kas a keda destruí pa kandela. Personal di e tim Forensiko ku tambe a presentá a konfiská e bòter ku e líkido pa asina por a hasi mas investigashon riba esaki miéntras Polis mesora a kuminsá ku búskeda di e tipo piroman aki.