Hato– Entrante awe tur pasahero ku reservashon pa bai Aruba, mester hasi un polymerase chain reaction test. E asina yamá PCR Test.

Esaki ta lokual gobièrnu di Aruba a anunsiá ayera. Esaki ta nifiká ku Aruba a eliminá e eksonerashon pa pasaheronan foi Kòrsou drenta Aruba sin un PCR Test. Esnan ku no tin e tèst por hasi esaki na Aruba of bai 10 dia den karentena.

Ayera Divi Air riba nan Facebook a pone un mensahe pa nan klientenan pa splika ku e medida ta drenta na vigor entrante 21 di novèmber. E pasaheronan ku durante ultimo 3 dia tin nan reservashon digital mester opta pa hasi nan tèst na nan yegada riba Aruba.