PUNDA — Djabièrnè dia 30 di yüli 2021, polis a sali dirigí pa aktua kontra benta i uso di droga na sitionan di dibertishon, prinsipalmente den área di Janthiel i Bapor Kibrá.

Ya pa basta tempu kaba tin hopi uso di droga na establesimentunan di Horeca den e áreanan aki i benta di droga na e sitionan ei a bira algu normal. Ayera un tim di polis a sali pa atendé ku e situashon aki i tabatin éksito den su operashon tambe, ya ku a logra di pone man riba un trio bendedó di droga ku a keda detené.
Den poder di e sospechosonan a bin topa un kantidat di droga ku a keda konfiská. Polis ta atvertí ku lo kontinuá ku e akshonnan aki den próksimo lunanan i lo sigui ekspandé pa otro áreanan tambe, kaminda ta konosí ku tin uso i negoshi di droga ta tumando lugá na momentu ku e establesimentunan di dibertishon ta operashonal.