Hato – Den oranan di atardi polis a risibí informashon di ponementu di fever un biaha mas na Wèg naar Hato.

Polis a bai den e direkshon pa plama e multitut di hende ku tabata na e sitio i esnan poniendo fever. Un motosiklista mester a manda bròmer riba un di e agentenan polisial i sigui kore bai. Mesora a pidi mas unidat polisial pa yega na e sitio pa asina hasi un kontròl riba tur e vehíkulonan ku tabata tei. Esei a konkluí na 7 outo, 8 bròmer i 1 quad ku a risibí prosèsverbal. E outonan a keda hiba kas di e doñonan riba nan kosto. E bromernan i e quad si a keda konfiská.

Pas detaye subi nos facebook via di e link aki pa mas detaye https://fb.watch/3xi8Vdz5_E/