Back to Top
Responsive image
E korant di pueblo

Topiko” Bario di Cherasil Nobo- Bond- Nieuw Nederland i bisindario ta rechasa “Community mailbox”


February 23, 2021 • 2 minüt pa lesa

Willemsgtad—–Bario di Cherasil Nobo,Nieuw Nederland i Bond ke su kartanan entrega na kas manera semper. Na 2019 sin ningun aviso delanta CPost a disidi di pone” community mail box” den bario di Cherasil nobo,Nieuw Nederland i Bond ,sin tene kuenta ku distansia ,asesibilidat, seguridat i privasidat di habitante.

Esaki a kondusi na reunion ku habitantenan i luego ku CPost a priminti ku lo tene kuenta ku proposishon di habitantenan i hasi uzo di mas sitio den area. Entretantu nos ta na 2021 i kehonan ta oumenta dia pa dia i loke habitantenan a premira na 2019 tambe sosode. Pa grandinan den bario esaki a bira un enkargo enorme ku ta kousa hopi strès pasobra nan mester buska un hende di konfiansa, no tur biaha un famia pa atende ku nan pòst. Partikularmente durante temporada di “ lock down” esaki a bira un tenshon grandi. Durante temporada di awaseru kartanan a haña daño di awa debi ku e bòksnan ta lèk,esaki no den bario di Cherasil so sino den mas bario.

Tambe hopi habitante ainda no a kustumbra i ta asina desanima ku e proyekto ku nan ta lubida of neglisha nan pòst mientras ta trata di pòst urgente ku antes lo bo a risibi na kas. Motibo pa kua Komishon di Bario Cherasil Nobo ta di opinion ku ta miho pa trese nan pòst na kas manera ta hasi den mayoria otro bario aki na Korsou. Na Korsou nos tin 65 zona i mas ku 200 bario. Esaki klaramente ta diskriminashon ante e 8 barionan ku si a haña nan fòrsa ku e bòksnan i no tabatin opshon. Den un komunikado di prensa Sr. Felix Pinedo ku pa kasi 5 aña ta hiba e lucha aki a denomina e akto aki komo un diskriminatorio den kual ta skohe sierto bario,ta tuma 5 aña pa instala algun bòks ademas nunka no a evalua durante e ultimo 5 añanan mientras ta konosi ku a start e proyekto riba un base huridiko no igual i na kaminda a hasi rektifikashon unda ya e daño ta hasi.

Na 2019 Komishon di bario Cherasil nobo, Nieuw Nederland i Bond sostene pa Unidat di bario Korsou a manda un karta ekstenso pa parlamentu pa pone representante di pueblo na altura di un trato diskriminatorio ku habitantenan den sierto bario ta risibi a base di un maneho di CPost c.q gobiernu pero no a risibi ningun reakshon. Nos komo bario ta kla ku asuntu di Community box i spesialmente pa e trato diskriminatorio enkontra di derecho di hende, su privasidat i seguridat. Ku elekshon den kurpa nos ta spera ku CPost lo honra nos petishon i trese tur nos pòst inkluso karchi di vota na nos kas. No por trata un parti di mesun pueblo deliberadamente diferente for di otro.

Login