Back to Top
Responsive image
E korant di pueblo

Tula Bernadina ta bai drenta den studio di grabashon ku Grupo Ruta


May 31, 2020 • 1 minüt pa lesa

WILLEMSTAD,—- “Nan sa bon, bon” ta titulo di e piesa nobo di e legendario kantante den ámbito di Tambú Tula Bernadina. Di informashon ku a drenta na mesa di redakshon di Vigilante Farándula ta bisa ku e kantante Tula ta bai drenta den studio di grabashon pa ku un piesa nobo.

T’asina ku Tula Bena mes ta kompositor di su piesa nobo ku ta karga di titulo “Nan sa bon, bon”, i e grabashon ta bai ta ku Grupo Ruta. Ta trata aki di e grupo di tambú ku e kantante Tula Bernadina mes a funda algun aña tras di lomba.

Tula Bernadina ta poko di e kantantenan den ámbito di tambú ku tin masha hopi hit riba su nòmber, pero tambe e tin hopi hit komo kompositor. Aparte ku Tula ta komponé pa e mes e ta komponé pa diferente kantante tambe den ámbito di tambú.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.