Back to Top
Responsive image
E korant di pueblo

Wardakosta ku kontròl riba boto i seadoo ku ta nabegá iresponsabel


June 12, 2020 • 2 minüt pa lesa

Willemstad—-Wardakosta a risibí diferente notifikashon di usuarionan di laman ku tin seadoo i botonan ku ta kore na un manera iresponsabel. Abase di e notifikashonnan Wardakosta ta ehersé patruyanan pa hasi kontròl na e lamanan mas frekuentá. A hasi e patruyanan di kontròl na e parti pariba i pabou di Kòrsou na e bichnan i laman mas bishitá pa hendenan lokal.

E patruyanan pa kontrolá ta ser realisá konhuntamente ku ‘havenveiligsheidsinspectie’, Kuerpo Polisial di Kòrsou i Duana. E outoridatnan a kontrolá diferente boto i seadoo riba nan dokumentonan bálido pa nabegá, medidanan di COVID-19 i nan komportashon riba laman

(vaargedrag). Durante e kontrolnan ku a ehersé a duna diferente atvertensha i a konsientisá personanan di nan komportashon. Durante e siguiente kontrolnan ku lo ser ehekutá.

Wardakosta lo bai kontrolá mas severo i lo duna but na momento ku un persona no tene su mes na e leinan vigente. Den kaso ku ta nesesario lo pone beslag riba e boto òf seadoo.

Wardakosta ta pidi tur persona pa mantené nan mes na regla i sòru p’abo tin bo dokumentonan di nabegashon huntu kubo, tene kuenta ku e medidanan di COVID-19 manera social distancing i tene kuenta ku aglomerashon di mas ku 25 persona no ta permití na bordo. Botonan mester tene nan mes na e kantidat di persona na bordo manera stipulá riba nan papelnan di nabegashon (scheepsdocumenten).

Wardakosta ta avisá doñonan di boto pa hasi mantenshon regular na nan botonan. Pa propio seguridat na bordo mester tin: sufisiente chaleko di salbabida, un flèshlait ku bateria i un pitu, un EHBO kit, sufisiente awa, aparato pa paga kandela, VHF radio òf un selular kargá. Evitá e chèns di un aksidente òf situashon peligroso riba laman kubo boto òf seadoo. Den kaso kubo mester di yudansa bo por yama Wardakosta riba 913 òf VHF radio 16. Gosa di laman i bichnan na un manera seif.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.